Friday, June 29, 2012

കാലിഡോസ്കോപ്പുകള്‍

എനിക്ക് ചുറ്റും 
ചില്ലുകൊണ്ട് ഒരു കൊട്ടാരമോരുങ്ങുന്നത് 
ഓര്‍മ്മ വച്ച നാള്‍ മുതല്‍ ഞാനറിയുന്നുണ്ട്
മാതാപിതാക്കള്‍, ബന്ധുക്കള്‍..
സുഹൃത്തുക്കള്‍..ഓരോരുത്തരായി 
എന്‍റെ വളര്‍ച്ചയ്ക്കനുസരിച്ച് 
കൊട്ടാരത്തിനു വലിപ്പം കൂട്ടി വന്നു.
പ്രണയം പങ്കുവച്ചവള്‍ അതിനു 
പരമാവധി മോടി പിടിപ്പിച്ചു.

ഇപ്പോള്‍, 
എന്‍റെ സന്തതി പരമ്പര
കൊട്ടാരം ഒരു വിധം പൂര്‍ത്തിയാക്കി.
വരും കാലത്ത് 
ചില മിനുക്ക്‌ പണികള്‍
വേണ്ടി വന്നേക്കാം.

അപ്പോളും 
അവനവനു രസിക്കുന്ന രൂപങ്ങളില്‍ 
ആര്‍ക്കും ആകൃതി മാറ്റാവുന്ന
ഒരു വളപ്പോട്ടായി 
ഞാനാ കൊട്ടാരത്തിനുള്ളിലുണ്ടാവും.

കാരണം,
ഞാനുണ്ടാക്കിയ ചില്ലുകൊട്ടാരങ്ങളിലെ
വളപ്പോട്ടുകളെ 
എനിക്ക് കാണണ്ടേ!

No comments:

Post a Comment